Младич на возраст од 23 години се здобил со изгореници опасни по живот откако се самозапалил по расправија со својата девојка, известија денеска италијанските медиуми.
Трагедијата се случила во Рим, по што младичот е превезен во болницата Сан Еуџенио со изгореници по целата предна страна на телото, пренесе Месаџеро.
Според првичните резултати од истрагата, тој по караница со девојката се заклучил во бањата и се полеал со канистер со бензин.
Неговата девојка повикала помош, по што полицијата и пожарникарите набрзо пристигнале на местото на инцидентот.
