Урош Пашајлиќ (38), кој вчера беше уапсен на Карабурма под сомнение дека со години ја чувал својата ќерка (8) во стан, во када, на Ѕвездара, бил лоциран со помош на базните станици на мобилниот телефон. Потрагата по него е објавена на 24 март, а четири дена подоцна е уапсен на Карабурма.
Како што претходно соопшти обвинителството, Пашајлиќ е осомничен за сторени кривични дела семејно насилство, противправно лишување од слобода на штета на невенчана сопруга, како и кривични дела запуштање и злоупотреба на малолетно лице и повреда на семејни обврски во однос на дете.
Во рок од 48 часа, осомничениот ќе ја изнесе својата одбрана пред обвинителот, по што ќе бидат преземени сите потребни доказни дејствија за утврдување на сите наведени кривични дела кои му се товарат на осомничениот. Обвинителството по рочиштето ќе ја информира јавноста за натамошниот тек на постапката.
Осумгодишно девојче кое е пронајдено во стан на Ѕвездара е во тешка состојба како последица на долго невнимание.
Случајот бил откриен кога Ивана Л. со видливи тешки повреди на лицето отишла во полициска станица и го пријавила сопругот Урош Пашајлиќ во полиција.
Таа потоа рекла и дека Пашајлиќ долго време ја чувал ќерка си како робинка. „Таткото од пеколот“ е уапсен вчера во изнајмен стан во Карабурма.
