Десет волонтери од граѓанската иницијатива „Не биди ѓубре“ од Куманово, вчера, ја исчистија локацијата кај улицата „Доне Божинов“. Во акцијата се собрани околу 40 вреќи со ѓубре, два фрижидера, една тракторска приколка со трева.
– Во акцијата учествуваа само граѓани, а од советниците не присуствуваше ниту еден. Продолжуваме понатаму за време на викендите, изјави Андријана Колевска од иницијативата „Не биди ѓубре“.
Во претходната акција што се организираше минатата недела кај регионалниот пат Куманово – Свети Николе, волонтерите, тогаш со поддршка на комуналното претпријатие „Чистота и зеленило“, собраа и изнесоа околу 300 тони смет и шут.
