Денеска во Атина (21:00 ч.) англискиот премиерлигаш Манчестер Сити ќе се соочи со Севилја во натпреварот од Суперкупот на Европа.
Првично беше планирано натпреварот да се одигра во Казан (Русија), но во јануари УЕФА одлучи да биде одигран во Грција.
Манчестер Сити ја освои Лигата на шампиони минатата сезона, додека Севилја победи во Лига Европа.
Шпанскиот клуб ќе игра за трофејот по седми пат во историјата (има една победа – во 2006 година), додека англискиот тим за првпат е учесник во Суперкупот.