Нема дилема дека 21-годишниот Раду Драгушин ќе ја промени клупската средина за време на зимскиот преоден рок. Благодарени на одличните игри во дресот на италијанскиот калчолигаш Џенова, централниот дефанзивец го привлече вниманието на неколку европски гиганти и прашање е само на часови кога ќе го реализира најавениот трансфер.
Освен интересот што го покажаа најтрофејните клубови од Италија, тој беше желба и на Баерн (М), но на крајот ја прифати понудата на лондонскиот премиерлигаш Тотенхем.
Британскиот весник „Сан“ му посвети напис во кој веќе беше именуван како нов играч на „петлите“. Сепак, добар дел од текстот е посветен и на неговата девојка Јоана Стен.
„Романскиот Ван Дијк го одби Челзи кога беше тинејџер и наместо тоа го избра Јувентус. И двајцата негови родители беа врвни спортисти, а Јоана Стан, неговата девојка која сака да стане престижен архитект, го живее сонот да биде девојка на фудбалер. Да се биде спортист му е во крвта. Неговиот татко Дан играше одбојка за Романија, додека неговата мајка Светлана ја претставуваше нејзината земја во кошарка. Јоана носи облека од познати брендови и оди на луксузни одмори. Во Лондон, таа ќе може да ја подигне својата страст за шопинг и архитектура на друго ниво, а Драгушин, под команда на Постекоглу, без сомнение ќе продолжи да расте и да напредува“, се вели во написот на Sun.
Меира, сестрата на фудбалерот, отворено проговори и за односот кој го има со девојката на нејзиниот брат.
“Раду е многу среќен во врската што ја има со Јоана. Тие се поддржуваат и се сакаат безусловно. Многу е важно да имаш до тебе личност која те разбира и е тука за тебе без разлика на ситуацијата. И тој ја најде вистинското личност. Јас и Јоана се согласуваме многу добро. Ние сме страсни за слични работи, но нашата омилена активност е да одиме заедно на стадион и да му даваме поддршка на Раду, изјави Меира Драгушин.
