Светскиот тениски рекет број еден Јаник Синер го совлада Новак Ѓоковиќ во финалето на турнирот во Шангај со 7:6, 6:3. Италијанецот со оваа победа стана првиот тенисер од 2013 година со три последователни победи над Новак Ѓоковиќ.
Претходно во сезонат го победи во полуфиналето на Австралија опен, а кон крајот на минатата година го совлада Ѓоковиќ и во полуфиналниот меч од Дејвис купот. Помина повеќе од една деценија откако такво нешто му се нема случено на најдобриот тенисер на сите времиња.
Последен кој имаше хет-трик во победи над него беше Шпанецот Рафаел Надал во 2013 година. Шпанецот, кој неодамна објави дека во ноември и официјално ќе ја заврши тениската кариера, тоа го направи на Ролан Гарос, потоа во Монтреал и на крајот на САД Опен. Рафа исто така го победи Новак три или повеќе пати во 2008-09 година (пет меча по ред), и три пати во 2007, 2008, 2012 година.
Швајцарецот Роже Федерер успеа да го победи четири пати во 2006 и 2007 година и три пати во 2010 година. И Енди Родик може да се пофали дека има четири победи во низа, тоа го направи во 2009 и 2010 година, додека Жо-Вилфред Цонга го направи истото во 2008 и 2009 година. Конечно, листата ја заклучува Енди Мареј, кој три пати по ред го победи Ѓоковиќ во 2008 и 2009 година.
