Додека народот покрај малите екрани за Нова година уживаше гледајќи го филмскиот хит “Тома“, едни од главните глумци Тамара Драгиќевиќ, која ја играше пејачката Силвана Арменулиќ, и Петар Бенчина кој го играше докторот на Тома Здравковиќ, празниците ги поминаа во романтичниот Ровињ на полуостровот Истра на северниот дел од Јадранско Море.
Тие и во приватниот живот се маж и жена, живеат во среќен брак и имаат деца. Токму со нив уживаа покрај морето во оваа ненадејна јануарска пролет. Што правеа таму во Ровињ, град кој многумина го сметаат дека покрај Дубровник, Свети Стефан и Венеција е еден од најубавите на Јадран.
Деновите им поминуваа во пријатни прошетки на топло сонце покрај морето на воздухот полн со јод кој ги прочистува сите дишни патеки во организмот, а навечер кога децата ќе заспијат Тамара и Петар одеа на романтична вечера во некој добар ресторан со носталгична далматинска музика.
Локалните музичари ги препознаваа од филмот, па за нивниот ќеф знаеја да им засвират и по некоја староградска песна од репертоарот на Тома Здравковиќ. Оттаму брачно-филмската двојка праќаше хармонични семејни фотографии, од кои се гледа дека уживаа како семејство. (Д.М.)
