Портпаролот на израелската армија Авичи Адрае денеска изјави дека Хамас ја префрлил контролата на некои заложници во Газа на „други терористички групи“.
Истовремено, тој истакна колку е страшна ситуацијата во која децата и бебињата помлади од една година се во заробеништво на Хамас повеќе од 50 дена.
„Некои беа третирани како плен и во одредени случаи префрлени на други терористички организации во Појасот Газа“, напиша тој на платформата X.
The Bibas family is STILL in #Hamas captivity in #Gaza.
We say, with a unified voice: #BringThemHomeNOW pic.twitter.com/I1xHSl6NWw— StandWithUs (@StandWithUs) November 28, 2023
Израелската армија соопшти дека семејството Бибас – родителите Јарден (34) и Шири (32), како и нивните два сина на возраст од 10 месеци и четири години – се меѓу заложниците кои им биле предадени на други терористи. Се верува дека ги користат за продолжување на сегашниот договор за прекин на огнот, иако не е јасно каде точно се наоѓаат и каква е нивната состојба.
The IDF confirms the Bibas family, including the youngest hostage, 10-month-old Kfir Bibas, have been transferred by Hamas to one of the terror groups in Khan Younis, Gaza.
What kind of monsters treat humans and babies, as bargaining chips? pic.twitter.com/75wsTy3nEL
— Arsen Ostrovsky (@Ostrov_A) November 27, 2023
Семејството беше киднапирано од член на Хамас од нивниот дом во Кибуц Нир Оз за време на терористичкиот напад на 7 октомври и дадено на друга палестинска фракција во Кан Јунис, град во јужниот дел на Газа познат како упориште на Хамас.
Семејството Бибас, особено бебето Кфир, стана еден од најпрепознатливите заложници – видеата на кои се гледа теророт и траумата што ги доживеа семејството станаа вирални набргу по киднапирањето.
