Доколку планирате да го исчистите организмот од насобраните токсини и да направите „ресетирање на телото“ и едноставно да добиете повеќе енергија и да се чувствувате подобро, овој пијалак е токму за вас.
Лимонадата е омилен пијалак на многу луѓе, освежителна е и многу вкусна, но кога ќе и додадете активен јаглен, добивате совршен напиток за оживување на целото тело. Токму поради активниот јаглен, овој пијалак има црна боја, а вкусот останува непроменет.
Црната лимонада ќе го исчисти телото од токсини, ќе го исчисти црниот дроб и ќе го намали холестеролот. Помага при надуеност, гасови и аерофагија (несвесно голтање воздух додека јадете), како и кај проблеми со кожата. Ја регулира работата на дигестивниот тракт, а со тоа го забрзува метаболизмот, што доведува и до губење на тежината.
Активниот јаглен се добива со деструктивна дестилација на материјали од различни растенија и кора од кокос и има впивачки својства, поради што ги отстранува штетните материи и токсините од телото.
Потребни состојки:
Сок од половина лимон или лимета.
Чаша минерална или кокосова вода.
Половина лажичка активен јаглен.
Подготовка:
Додадете сок од лимон и прав од активен јаглен во водата. Добро измешајте и напитокот е готов.
Пијалакот се пие еднаш неделно и не почесто од тоа.
Оваа лимонада може да го намали ефектот на лековите. Затоа, доколку земате некои лекови, треба да внимавате на двочасовниот интервал помеѓу земањето на лекот и пиењето црна лимонада.
