Израелското Министерство за надворешни работи го окарактеризира денешниот напад врз припадник на Жандармеријата пред израелската амбасада во Белград како „обид за терористички напад“, пренесува Тајмс оф Израел.
„Денеска имаше обид за терористички напад во близина на израелската амбасада во Белград. Амбасадата е затворена и никој од вработените во амбасадата не е повреден. Повреден е локален полицаец. Околностите на инцидентот се испитуваат“, се вели во соопштението на израелското Министерство.
Српскиот вицепремиер и министер за внатрешни работи Ивица Дачиќ изјави дека околу 11 часот непознато лице пукало со самострел кон припадник на Жандармеријата кој бил на должност да ја обезбедува израелската амбасада, удирајќи го во вратот.