Шесткратниот светски шампион во Мото ГП шампионатот, Марк Маркез, доби „зелено светло“ да започне со интензивни тренинзи. Оваа информација ја објави неговиот тим Репсол Хонда.
Маркез ја скрши десната рака на трката за Големата награда на Шпанија во 2020 година, а потоа имаше четири операции, последен пат на почетокот на јуни во САД. Дваесет и деветгодишниот Шпанец „помина уште еден медицински преглед и доби дозвола да го интензивира тренингот, да ја зголеми тежината на тренинзите и да воведе поразновидни вежби во неговата рутина“.
