Северна Кореја испрати 3.000 војници во Русија за поддршка на нејзината војна против Украина, соопштија јужнокорејските пратеници откако беа известени од националната разузнавачка агенција, удвојувајќи ја првичната проценка.
Пјонгјанг вети дека ќе обезбеди вкупно околу 10.000 војници, чие распоредување се очекува до декември, изјавија пратениците за новинарите. Последните податоци доаѓаат откако јужнокорејската национална разузнавачка служба соопшти дека Северна Кореја испратила околу 1.500 специјални сили во Русија со бродови.
„Знаците дека војниците се обучуваат во Северна Кореја се откриени во септември и октомври“, рече Парк Сун-вон, член на парламентарната комисија за разузнавање.
„Се чини дека војниците сега се дисперзирани во повеќе објекти за обука во Русија и се прилагодуваат на локалната средина“, додаде тој.
Украинскиот претседател Володимир Зеленски , исто така, го обвини Пјонгјанг дека се подготвува да испрати 10.000 војници во Русија, повикувајќи ги во вторник сојузниците да одговорат на доказите за вмешаноста на Северна Кореја во руската војна.
И Москва и Пјонгјанг негираа трансфер на војници, но ветија дека ќе ги зајакнат воените врски.
