Најдобриот фудбалер во дресот на актуелниот европски клупски шампион, тимот на Реал (М), Винисиус Жуниор, без многу размислување ја одбил богатата понуда од Саудиска Арабија давајќи дознаење дека нема намера да замине од „Сантијаго Бернабеу“, пренесуваат шпанските медиуми.
Агентите на Бразилецот биле контактирани од делегација од Фондот за јавни инвестиции (ПИФ), дејствувајќи во име на Министерството за спорт на Саудиска Арабија кои му понудиле на 24-годишникот да биде заштитно лице на лигата до стартот на Светско првенство во 2034 година.
