При засилените акциски контроли во областа на сообраќајот спроведени од страна на Министерството за внатрешни работи во текот на вчерашниот ден на територијата на град Скопје се изречени се вкупно 160 мерки, меѓу кои 71 санкција за движење со брзина поголема од дозволената, 21 за управување на возило без возачка дозвола и три казни за возење под дејство на алкохол.
Како што информира МВР, изречени се и осум мерки за користење мобилен телефон, пет за прекршоци што ги чинат возачите на мотоцикли и четири за непрописно престигнување и обиколување.
– Засилените акциски сообраќајни контроли продолжуваат. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта – велат од МВР.
