Искусниот италијански напаѓач, 34-годишниот Марио Балотели, веројатно ги живее најтешкиот момент во кариерата затоа што веќе три месеци е без клуб, а нема понуда која би можела да го задоволи.
Тој во јули ја напушти турската екипа Адана Демирспор и се уште е без работа, а неодамна го доби веројатно најголемото понижување во животот кога е фудбалот во прашање.
Откако му пропадна договорот со бразилски Коринтијанс, тој доби негативен одговор од индискиот тим Керала Бластерс.
По информацијата за таквиот потег на клубот од Индија, почнаа разни приказни и пишувања во медиумите кои го погодија Италијанецот.
Балотели реши да проговори и глумеше жртвата, иако веројатно е некаде длабоко во себе свесен за ситуацијата во која се најде.
„Забележав дека неодамна во разни весници имаше многу измислици за мене за некои странски тимови, кои ме одбија и не сакаа да преговараат со мене“, изјави Балотели и продолжи:
„Важно ми е да тренирам и да бидам смирен. Кој измислува глупости знае дека порано или подоцна вистината ќе излезе на виделина“.
Многумина го прашаа кој ќе биде неговиот следен клуб, а Италијанецот имаше подготвен одговор и за тоа.
„Сакам да одговорам на многу луѓе кои ме прашуваат кој ќе биде мојот следен клуб. Имав неколку предлози и го барам најдобриот проект“, додаде 34-годишниот напаѓач.
Пред Адан Демирспор, Блотели се обиде во швајцарскиот Сион каде направи проблеми надвор од теренот. Се обиде и во Италија во Монца и Бреша, потоа во Франција во Марсеј и Ница, но сето тоа беа кратки епизоди.
Најдобриот фудбал во кариерата го играше до 2013 година кога го носеше дресот на Интер, а потоа и на Манчестер Сити, па направи трансфер прво во Милан, па во Ливерпул.
