Ученичка во шесто одделение во Русија која нацрта цртеж против војната во Украина е испратена во дом за деца без родители, а нејзиниот татко е уапсен.
Станува збор за случај од април 2022 година, кога учителката побарала од Маша Москалева од градот Јефремов во руската област Тула да нацрта слика за поддршка на руските војници во Украина. Сликата што ја нацрта го покажува украинското знаме, жена со дете и ракети, со пораки: „Јас сум против војна“ и „Слава на Украина“.
❗️Please, share: 12 years old Russian girl Masha drew a picture in support of Ukraine in her art class. The school called police, a criminal case was open against her father on discrediting the Russian army. Today Alexey Moskalev was arrested, and Masha was sent to an orphanage. pic.twitter.com/f93xc7v2Mp
— Maria Kuznetsova (@maria_de_forest) March 1, 2023
Директорот на училиштето повикал полиција и следниот ден девојчето било извадено од настава, пишува ОВД Инфо, која ги следи апсењата во Рѕсија, а пренесе Индекс.хр.
Во декември, против таткото на Маша, Алексеј, беше отворена кривична постапка за „дискредитација“ на московските вооружени сили поради неговата објава на социјалните мрежи во јули.
Тој сподели руско воено видео со натпис: „Руска војска. Силувачи веднаш до нас“, за што е казнет со 32.000 рубли (420 долари), објави независниот руски медиум Медуза. Маша му кажала на својот татко дека се плаши да оди на училиште, а тој на 28 декември добил повик дека службеници на ФСБ ја однеле неговата ќерка во дом за деца без родители. На Москаљев му било кажано дека неправилно ја воспитал ќерката и му се заканувале со затвор.
Полицијата пред Нова година извршила претрес на нивниот семеен имот и им ја одзела целата заштеда. Москаљев бил одведен на сослушување при што, како што вели, бил претепан.
Шефот на комисијата за малолетници на Јефремов, Светлана Давидова, изјави за новинската агенција РБЦ дека е поднесена тужба за негирање на родителските права на Москаљеви.
Против Москаљев беше отворен уште еден случај за „дискредитација“ на руската армија, а со оглед на неговата претходна пресуда, сега се соочува со кривична пријава, изјави адвокатот Владимир Билиенко за „ОВД-инфо“.
Неговата ќерка била испратена во центар за рехабилитација на деца, кој е сличен на сиропиталиште. На весникот 7×7 им било кажано дека ќе ја задржат таму. Петицијата на Change.org со која се бара да и се дозволи да се врати дома беше потпишана од 76.000 луѓе .
