Рускиот регулатор за заштита на правата на потрошувачите Rospotrebnadzor, започна прекршочна постапка против компанијата Nestle Русија, откако пронашол генетски модифицирана папаја во инстант овесната каша на таа компанија.
Според тврдењата на Rospotrebnadzor, производителот знаел дека состојките во неговиот производ “Бистров” не ги исполнувале пропишаните услови и не го информирале регулаторот за тоа, пренесува Russia Today.
Од Nestle изјавиле дека веднаш штом станале свесни за “случајното присуство на ГМО во тој производ”, го запреле нивното производство.
Nestle има силна позиција на рускиот пазар за житарки за доручек, но и силна позиција на пазарот во инстант кафето, какао, храна за бебе и други производи.
