Португалската легенда, Кристијано Роналдо, е при крај на кариерата, но се уште нема сигурни информации кога точно планира да се пензионира. Иако очигледно е далеку од својот врв, Роналдо по 1231 настап и 895 голови во кариерата се уште нема намера да застане.
Договорот со Саудиска Ал Наср го обврзува до јуни следната година, а некогаш познатиот романски напаѓач Адријан Муту тврди дека знае која е целта на 39-годишниот Португалец. Според Муту, Роналдо сака да биде соиграч со својот најстар син Роналдо Јуниор, кој тренира во младинската школа Ал Наср.
Роналдо Јуниор неодамна наполни 14 години и ќе му требаат уште најмалку две години пред да може да игра со сениорите. Ова потсетува на приказната за врсникот на Кристијано Роналдо, Леброн Џејмс, чиј 20 години помлад син Брони Џејмс неодамна стана негов соиграч во ЛА Лејкерс.
„Тоа е неговата вистинска мотивација, тој сака да игра натпревар со својот син, затоа не се откажува. Да беше во друг клуб, на пример Реал (М), ќе беше многу потешко, но во Ал Наср е можно. Не е невозможно да играат заедно“, изјави Муту.
Во раните 2000-ти, Муту беше еден од најдобрите офанзивни играчи во светот. Откако се истакна во Верона и Парма, Роман Абрамович, новиот сопственик на Челзи, тогаш го купи за неверојатни 22 мил. евра. По одличниот старт беше откриено дека е зависник од кокаин, поради што беше суспендиран на седум месеци.
Веднаш потоа беше исфрлен од репрезентацијата поради пиење и исмејување на тренерот, а исто толку бурен беше и неговиот приватен живот. Има четири деца со три сопруги. Никогаш не го потврди она што го покажа во раните дваесетти години, кога беше прогласен за наследник на Георге Хаџи.
