Репрезентацијата на Бразил е во многу деликатна ситуација, бидејќи резултатите не се добри, а не е баш најдобра ниту ситуацијата во Фудбалскиот сојуз на Бразил (ЦБФ).
Всушност, Родригес, актуелниот претседател, ќе остане на функцијата до март 2026 година. Тој ќе се повлече неколку месеци пред почетокот на Светското првенство, по што ќе се одржат избори.
Според весникот „Спорт“, Роналдо Назарио да Лима би можел да се појави како кандидат за преземање на бразилската федерација и веќе го подготвува главниот адут за кандидатурата.
Имено, „Спорт“ тврди дека главен адут за неговата кандидатура ќе биде Пеп Гвардиола, омилениот тренер на поранешниот играч на Реал (М). Понатаму се вели дека Гвардиола веќе е свесен за интересот на Роналдо, иако тој нема да има понуда до крајот на СП 2026.
Интересно, самиот трофеен стручњак најверојатно ќе се согласи да ја продолжи соработката со Манчестер Сити до летото 2026 година.
Затоа, доколку Роналдо стане следен претседател на ЦБФ, на клупата би го довел Гвардиола, кој би имал можност да го тренира Винисиус Жуниор, меѓу другите, еден од најдобрите играч на денешницата.
Сигурно би било многу интересно да се види како ќе соработуваат Гвардиола и Винисиус, како и другиот Бразилец од Реал (М), Родриго, кој е високо ценет од Шпанецот.
„Селесао“ не е светски шампион од 2002 година, што е предолг период на чекање, додека на оваа селекција не и оди најдобро ниту на сопствениот континент, откако последната Копа Америка беше освоена во 2019 година.
