Европското првенство во атлетика во 2024 година ќе се одржи во Рим (Италија), соопштија челниците на Европската атлетска федерација (ЕАА) по онлајн состанокот. Рим, кој ќе го организира првенството на стадионот „Олимпико“, во битката за организација на шампионатот го победи полскиот град Катовице.
Ова ќе биде трет пат Италија да биде домаќина на Европското првенство, откако претходно Торино ги нагости најдобрите атлетичари во 1934 година, а Рим беше домакин и во 1974 година.
Рим последен пат беше домаќин на едно големо атлетско натпреварување во 1987 годин, но тогаш беше организатор на Светското првенство.
Европската атлетска федерација за неколку дена ќе објави и кој ќе биде домаќин на континенталниот собир во сала во 2023 година.
