Пуштено е во употреба ново детско игралиште во Дељадровци во општина Илинден. Во рамки на игралиштето поставени се детски реквизити (нишалки лизгалки), како и клупи и канти за отпадоци за почиста и поубава средина.
-Новото детско игралиште се наоѓа во рамки на новоизградениот парк кој веќе извесен период, жителите од ова населено место го користат за дружење и рекреација. Тоа ќе биде одлично надополнување на целиот простор, а децата од Дељадровци имаат ново катче каде можат да го поминуваат слободното време во игра и забава – соопштија од Општина Илинден.
Во наредниот период просторот ќе биде партерно уреден со павер елементи.
