Нуклеарните сили на Русија се во состојба на целосна борбена готовност, изјави претседателот на Русија Владимир Путин во своето обраќање пред Федералното собрание на земјата.
„Стратешките нуклеарни сили се во состојба на целосна борбена готовност за гарантирана употреба“ – прецизираше тој.
Хиперсоничниот ракетен систем на море „циркон“ веќе се користи во борба, изјави претседателот на Русија.
Тој додаде дека за време на специјалната операција, хиперсоничниот систем „кама“ ефективно се користи за гаѓање на особено важни цели.
Тој додаде дека хиперсоничните блокови „Авангард“ и ласерските системи „Пересвет“ се во активна воена служба. Тестовите на крстаречката ракета „Буревесник“ и системот „Посејдон“, кои ги потврдија нивните уникатни карактеристики, се завршени, рече претседателот.
Путин истакна и дека на војниците им се доставени ракетите „Сармат“ и Русија наскоро ќе ги демонстрира во областите каде што се на борбена задача.
Според него, најновите руски вооружени системи ги потврдиле своите високи, уникатни карактеристики.
Според неговите зборови, вооружените сили на Русија стекнале огромно искуство, кое се однесува на соработката на сите видови и гранки на војската, модерните тактики и оперативни вештини. Цела констелација на талентирани команданти, кои се грижат за луѓето, компетентно ги извршуваат своите задачи, користат нова технологија и успешно ги решаваат задачите што им се доделени, се обучени рече Путин.
Наводите дека Русија се подготвува да ја нападне Европа, Путин ги нарече глупости.
