Минералот калиум е многу важен за здравјето на луѓето. Калиумот обезбедува правилна контракција на мускулите во телото, ги регулира телесните течности и балансот на минералите во телото.
Освен тоа, ги ублажува последиците од прекумерното консумирање сол, што е проблем со кој се соочуваат многу луѓе во светот. Згора на тоа, ги штити крвните садови од оштетување и згуснување и го намалува високиот крвен притисок. Ако јадете многу брза храна или грицки, веројатно имате премалку калиум во телото, тврди нутриционистката Лорин Блејк од САД. Сепак, постојат и речиси одредени знаци дека ви недостасува овој минерал.
Замор
На телото му треба калиум за нормално функционирање. Ако сте постојано уморни, но спиете колку што треба, причината може да биде недостатокот на калиум, тврди Лорин Блејк. Заморот може да биде и резултат на стрес, лоша исхрана и недостаток на сон, кои исто така се проблеми поврзани со недостаток на калиум во телото.
Грчеви во мускулите
Калиумот е неопходен за правилно функционирање на мускулите низ телото. Кога нивото на овој минерал во телото е ниско, човекот чувствува болка и грчеви во текот на денот или додека вежба.
Чувство на слабост и вртоглавица
Нивото на калиум може да варира во текот на денот, а голем пад на овој минерал во телото може да предизвика забавување на отчукувањата на срцето, правејќи да се чувствувате како да се онесвестите. Ова не е вообичаено, но доколку ви се случи, задолжително посетете лекар, предупредува американскиот нутриционист. Не го игнорирајте дури и ако чувствувате пецкање во рацете и нозете.
Висок крвен притисок
Без соодветни количини на калиум во телото, крвните садови може да се стеснуваат, што доведува до висок крвен притисок. Исто така, внимавајте на палпитациите на срцето – најважниот мускул не може да работи добро кога има нерамнотежа на натриум и калиум во телото.
Постојана надуеност
Телото има проблем со регулацијата на солта кога на телото му недостасува калиум. Сето ова може да доведе до надуеност. Ако често патите од овој проблем, ова може да биде една од причините.
