Британското кралско семејство во неделата му го честиташе 40-тиот роденден на принцот Хари.
Едноставната порака споделена на социјалната мрежа Х гласеше: „Среќен 40-ти роденден на војводата од Сасекс“ Објавата беше придружена со слика од Хари насмеан и емоџи од роденденска торта.
🎂 Wishing The Duke of Sussex a very happy 40th birthday today! pic.twitter.com/sAlSiV9EaZ
— The Royal Family (@RoyalFamily) September 15, 2024
Хари ќе го прослави роденденот со сопругата Меган и нивните деца, принцот Арчи и принцезата Лилибет. Се вели дека после тоа ќе се сретне со блиски пријатели.
Хари влегува во својата петта деценија во една бурна година за кралското семејство, кога на кралот Чарлс Трети и на принцезата Кејт им беше дијагностициран рак.
Меѓутоа, војводата, кој живее во Калифорнија, е отуѓен од својот брат Вилијам, принцот од Велс и се соочува со затегнати односи со неговиот татко, кралот Чарлс.
„Бев загрижен кога полнев 30 години, сега сум возбуден што наполнив 40 години“, рече принцот во неодамнешната изјава за Би-Би-Си, додавајќи дека тоа што станал татко му дал „свежа перспектива на животот“.
„Да се биде татко е една од најголемите радости во животот и само ме мотивираше да го направам овој свет подобро место“, додаде тој.