Во периодот од 22 часот вчера до 4 часот утринава при акциска контрола на полицијата приведени се 26 женски лица на возраст од 20 до 46 години, затекнати во пет угостителски објекти во Тетово и Гостивар.
Како што соопшти МВР, при контролата во угостителските објекти биле затекнати 39 женски лица, од кои 13 од Македонија, а 26 биле странски државјанки. Од нив 11 биле државјанки на Србија, девет на Албанија, четири на Бугарија, и по една државјанка на Босна и Херцеговина и на Косово.
Акцијата ја спровеле полициски службеници при Секторот за внатрешни работи Тетово во содејство со повеќе организациски единици во МВР, како и надлежни инспекциски служби при УЈП, Трудова и Пазарна инспекција.
