Полицијата утрово направила претрес во домот на поранешниот вицепремиер Артан Груби, неофицијално дознава ВЕЧЕР од полициски извори. Груби не бил пронајден дома, самиот напиша на неговиот фејсбук профил дека е во приватна посета во Косово. Освен кај него полицијата влегла и во домот на поранешниот директор на Државна лотарија на Македонија, Прпарим Бајрами, според пишувањата на дел од медиумите и тој не бил најден во неговиот дом и не е во државата неколку месеци.
Од ОЈО и од МВР ги потврдуваат претресите кои сеуште траат и најавија детали по комплетирање на информациите. Од полицијата за ВЕЧЕР велат дека се во координација со обвинителството и судија на претходна постапка.
Обвинителството во координација со МВР и финансиска полиција отворила предмет со кој Артан Груби се сомничи за нелегално издавање на лиценци за интернет коцкање, објави ТВ Телма
И Бајрами и Хамза биле дел од кабинетот на Артан Груби во Министерството за политички систем.
