Американскиот претседател Џо Бајден планира да го испрати директорот на ЦИА Вилијам Барнс во Европа каде што треба да помогне да се постигне договор меѓу палестинската милитантна група Хамас и Израел, јави Вашингтон пост, цитирајќи неименувани извори.
Според весникот, Барнс во наредните денови ќе отпатува во Европа на разговори со шефовите на израелското и египетското разузнавање Дејвид Барни и Абас Камел и катарскиот премиер Мохамед бин Абдулрахман бин Џасим ел Тани.
Разговорите на Барнс во Европа се очекува да бидат засновани врз неговите телефонски разговори со колегите, како и на работата на високиот функционер на Белата куќа за Блискиот Исток, Брет Мекгурк, кој на почетокот на неделава имаше состаноци во катарскиот главен град Доха и Каиро.
