Украинскиот боксер Тајсон Фјури е убеден дека повторно ќе стане светски шампион во тешка категорија, во сабота во Саудиска Арабија. „Кралот на Циганите“ на 18 мај годинава загуби од Украинецот Александер Усик во борбата за апсолутен светски шампион во тешка категорија. Украинскиот вундеркинд имаше извонреден настап, а сега Фјури е подготвен да возврати. Фјури го гледа реваншот како многу полесна работа од првата борба, кога имаше проблеми при подготовките.
„Тоа ќе биде многу полесен натпревар. Спарингував многу и тренирав како што треба. Тоа не беше случај порано, бидејќи имав огромен оток под исеченото око”.
„Со второ размислување, можеби требаше да го одложам натпреварот за одреден временски период и да изгубам 10 милиони фунти. Нема врска, сега сум тука и ќе ја завршам работата во сабота“.
Многумина веруваат дека Фјури го загуби мечот поради неговиот лесен пристап кон борбата.
„Мислам дека „шегата“ не ме чинеше пораз, но морам да влезам со многу поголем фокус на овој меч. Нема да го менувам борбениот план, барем ништо драстично. Тој нема да ме нокаутира. Тоа едноставно не е можно. Ќе мора да се бори. Ќе му ја завршам кариерата. По оваа борба веќе нема да слушнете за Усик”, беше пораката на Фјури.
Колку е сериозен за реваншот покажува и фактот што три месеци не разговарал со сопругата Парис.
„Не сум зборувал со сопругата три месеци – не сме кажале ниту еден збор“, открива Фјури.
Треба да се напомни дека појасот светски првак на ИБФ нема да биде на маса во сабота со оглед на тоа што Усик се откажа од него, но има и други појаси (ВБЦ, ВБА Супер, ИБО, ВБО и The Ring).
Фјури имаше 36 борби во кариерата и само Усик го победи. Има едно реми против Деонтеј Вајлдер, и 34 победи. Од друга страна, украинската машина е непоразена и има скор од 22-0.
