Четири Виетнамки и две Ирачанки со часови се криеле во камион натоварен со кутии со банани во северна Франција, верувајќи дека возилото е на пат кон Велика Британија или Ирска, објави АП.
Жените, поминале повеќе од 10 часа во тесен простор, опкружен со кутии со банани, надевајќи се дека ќе стигнат до Велика Британија или Ирска.
Кога сфатиле дека камионот оди во спротивна насока, почнале да паничат во студениот и тесен, темен простор. Во потрага по помош, една од нив успеала да стигне до новинарките на Би-би-си во Лондон.
„Не можам да дишам, ладно е“, ѝ рекла жената на новинарката Куе Лу преку СМС-порака. Рекла и дека вратата од камионот била затворена со железна шипка и дека внатре биле заробени.
Жената на новинарот му испрати и две кратки видеа на кои се гледа просторот преполн со кутии, оставајќи само неколку десетици сантиметри простор каде што може да седнат. На едно видео можеше да се слушне жена како вели на англиски: „Не можам да дишам“.
Жената успеала да ѝ испрати и GPS-локација, врз основа на која новинарот успеал да утврди дека камионот со овие жени бил на автопатот Е15 кај Драче, северно од Лион.
Новинарката на Би-би-си веднаш реагирала и испратила пораки до своите колеги во Франција. Еден од нив ја контактирал полициската станица најблиску до локацијата на камионот и ги испратил сите информации што ги собрал британскиот новинар. Додека нетрпеливо чекаа да интервенира полицијата, новинарите продолжија да го следат возилото.
Репортерот цело време комуницирал со жените, велејќи им да избегнуваат да зборуваат за да заштедат воздух. Таа постојано ги потсетуваше дека полицијата е на пат.
Жените ѝ кажале дека уште три жени биле подготвени да влезат во камионот, но на крајот се откажале. Наместо тоа, еден од нив го сликал возилото и регистарскиот број.
Набргу потоа француската полиција соопшти дека успеала да го пресретне камионот. Возачот е уапсен и покрената е истрага поради сомнение за шверц на луѓе.
Неколку часа подоцна, францускиот обвинител изјави дека возилото е од Литванија и дека возачот е под истрага.
Како што додаде, меѓу шесте жени кои биле спасени од камионот имало и малолетно лице.
