Јужноафриканската полиција го пронашла телото на поранешниот светски шампион во скок во височина Жак Фрајтаг по повеќе од еден месец потрага, објавија локалните јужноафрикански медиуми.
Фрајтаг (42), кој стана светски шампион во 2003 година и се натпреваруваше на Олимпијадата во 2004 година, беше застрелан, според извештајот.
Неговото семејство одби да го коментира инцидентот.
Полицијата соопшти дека телото било пронајдено во близина на гробишта во Преторија.
Сестрата на Фрајтаг, Криси Луис, побара помош на социјалните мрежи за да го пронајде Фрајтаг, кој исчезна на 17 јуни. Таа додаде дека имал проблеми со дрогата откако ја завршил спортската кариера.
Фрајтаг беше еден од ретките спортисти кои освоија светски титули и во јуниорска и во сениорска категорија.
