Познатиот актер Мартин Мaл почина на 80-годишна возраст, објави на Инстаграм неговата ќерка Меги Мaл. Тој одигра голем број одлични улоги, вклучувајќи ја и улогата во ситкомот „Два и пол мажи“.
„Со скршено срце објавувам дека татко ми почина дома на 27-ми јуни по храбра битка со долго боледување. Беше познат по тоа што се истакнуваше во секоја можна креативна дисциплина, но и по снимањето“, рече таа.
Таа додаде дека Мартин Мал многу ќе им недостига на неговата сопруга, ќерка, пријатели, соработници, колеги уметници, комичари и музичари и бројни кучиња. „Го сакав неизмерно“, рече таа.
Актерот се прослави во седумдесеттите години на минатиот век со улогите во сериите Мери Хартман, Мери Хартман, Фернвуд 2 ноќ и Америка 2 ноќ.
Беше успешен и во музиката, па неговата песна „A Girl Named Johnny Cash“, испеана од Џејн Морган, го достигна 61-то место на Билборд-листата. Тој ја напиша тематската песна за серијата „51-та држава“ од 1970 година и служеше како музички продуцент за филмот „Скок“ од 1971 година.
Имаше забележителни улоги во Sabrina, The Teenage Witch, Roseanne, Two and a Half Men, Arrested Development, The Ranch, i The Cool Kids. Тој беше номиниран за наградата Еми во 2016 година за неговата улога во Veep.
Неговите последни улоги беа во телевизиските проекти Not Dead Yet, Грејс и Френки и The Afterparty.
Од актерот се прости и колешката Џенифер Тили.
