Џанмарко Поцеко е новиот тренер на Асвел. Ова е прв ангажман за италијанскиот стручњак во Евролигата.
Тој претходно ги водеше Орландина, Варезе, Фортитудо од Болоња, Динамо Сасари, а работеше и како асистент во Цедевита и во Олимпија Милано.
И покрај ангажманот во Асвел, Поцеко ќе остане селектор на италијанската репрезентација.
Асвел во првите четири кола во Евролигата забележа исто толку порази, а Поцеко ќе дебитира на клупата на мечот против Виртус, на домашен терен, в петок.
