Беки Холт (36) која медиумите ја нарекоа најтетовираната жена во Британија, потрошила 41 илјада евра на своите тетоважи кои го покриваат речиси секој сантиметар од нејзиното тело. Покрај тетоважите кои покриваат 95 отсто од нејзиното тело, Беки истетовирала и дел од лицето, делот околу носот, усните и дланките, а пред тоа изгледала поинаку.

Британката пред осум години беше во венчаница кога позираше на ревија за тетоважи во Лондон, а многумина беа изненадени од тоа како изгледала со многу помалку тетоважи отколку што има сега, барем кога е во прашање нејзиното лице.

Инаку, Беки, која на Инстаграм ја следат 150.000 луѓе, во претходните интервјуа призна дека се соочува со критики поради нејзините тетоважи, како и дека луѓето мислат дека е во банда и дека и е забранет влез на некои јавни места.

„Кога бев во Турција, јас и мојот пријател сакавме да седнеме во еден бар. И двајцата имаме тетоважи на лицата и местото беше празно, но обезбедувањето рече дека е полно и не можеме да влеземе“, рече таа.