Министерството за внатрешни работи соопшти дека денеска од 08:30 до 12:30 часот поради одржување на триатлон натпревар, ќе бидат презмени мерки за посебен режим на сообраќај во дел од Скопје.
Стартно-целната позиција на натпреварот е спортскиот центар „Борис Трајковски.
Натпреварувачите ќе се движат на дел од улиците околу СЦ „Борис Трајковски“ и дел од булеварот „Илинден“ (десна коловозна лента), потоа на потегот од крстосницата со булевар „8 Септември“ до крстосница со улица „Никола Парапунов“ и обратно.
Сообраќајот ќе се пренасочува по околните сообраќајници. МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива трката.
