Министерот за внатрешни работи на Србија, Братислав Гашиќ, изјави дека поради обилните врнежи од дожд и поплавите во областа на Нови Пазар и Тутин имало повеќе интервенции.
Гашиќ рече дека „ситуацијата во Тутин е потешка отколку во Нови Пазар“, а имало и „отстранување на автомобил со две лица во него и чистење на подруми“, соопшти МВР.
„Реката се повлече, во овој момент интервенираме да им помогнеме на граѓаните на Тутин да ја извлечат водата од подрумите“, рече тој.
Според него, ситуацијата и во Нови Пазар е под контрола, а сѐ е исчистено.
Тој посочи на проблемите кои „се присутни со години“, а како што додаде, „особено во последно време кога има климатски промени“.
„Проблемот е што не се води доволно грижа за реките, што станаа места за фрлање ѓубре, поради што доаѓа до затнување кое го оневозможува нормалниот тек во случај на обилни врнежи“, рече Гашиќ.
Гашиќ истакна дека по наредба на претседателот на Србија, Александар Вучиќ, тој како командант на Републичкиот штаб за вонредни состојби и министерот за одбрана, Милош Вучевиќ, ги посетиле Нови Пазар и Тутин.
