Без победник (2:2) заврши дерби натпреварот од 5. коло во англиската Премиер лига, помеѓу екипите на Манчестер Сити и Арсенал.
Ерлинг Халанд ги доведе домашните во предност во 9. минута, а Калафиори и Габриел погодија за пресврт пред паузата. Длабоко во судиското надополнување, Стоунс постигна гол за 2:2, а Арсенал цело второ полувреме играше со играч помалку.
Во судиското надополнување на првото полувреме, Тросард доби втор жолт картон и Арсенал на крајот не успеа да дојде до трите бода.
Секако, по натпреварот имаше многу критики за арбитражата на Мајкл Оливер и навивачите на Арсенал сметаат дека нивниот клуб е оштетен.
На сличен став беше и тренерот Микел Артета, кој по натпреварот истакна дека Оливер бил премногу груб кон Тросард кога му го доделил вториот жолт картон.
Но, не сите се согласуваат со тоа, а еден од оние кои не се согласуваат е легендарниот капитен на Манчестер Јунајтед, Рој Кин, кој удри по Артета.
„Длабоко во себе тој е задоволен со бодот. Покажи класа, ти си менаџер на Арсенал. Тој веројатно заслужи црвен картон, добро реагиравме и ќе продолжиме понатаму. Тука е крајот. Земи ги лекарствата и продолжи понатаму. Покажете малку класа. Но, од гледна точка на Арсенал, мислам дека тие би биле во ред со тоа бидејќи тој очигледно е страствен и вие не сте во оваа работа за да задоволите некого. Тој е тука за да победи на фудбалските натпревари за Арсенал и тоа е она што го прави“, изјави Кин.
