Нема дилема дека новата офанзивна ѕвезда во Европа, Виктор Џокереш, ќе направи голем чекор во кариерата за време на летниот преоден рок. Шведскиот интернационалец моментално настапува за португалскиот гигант Спортинг Лисабон и прашање е само името на клубот во кој ќе се пресели на крајот од актуелната сезона.
Оваа сезона постигна 21 гол на 21 натпревар во сите натпреварувања и е апсолутно најдобар играч на Спортинг Лисабон.
Неговите одлични настапи го привлекоа вниманието на најдобрите европски клубови како Реал (М), Манчестер Сити, Манчестер Јунајтед, Барселона…
Сепак, се чини дека не се сите заинтересирани за да го ангажираат и првиот клуб што отпадна од трката за неговиот потпис е актуелниот шампион на Франција, тимот на ПСЖ.
Како што пренесува „UtdDistrict“, Луис Енрике, тренерот на парискиот тим, не го сака овој играч во својот клуб и со тоа стави крај на сите шпекулации за можен трансфер на „Паркот на принцовите“.
Инаку, пазарната вредност на шведскиот напаѓач се проценува на 70 милиони евра, а развојот на овој фудбалер го коментираше и Кристијано Ронадлдо кој истакна дека Виктор Џокереш може да направи големи работи.
Португалскиот офанзивец истакна дека Џокереш доколку продолжи вака да работи и да постигнува голови може да стане еден од легендарните фудбалери.
