Во пресрет на новата сезона во НБА-лигата, која започнува на 24 октомври, многу играчи би можеле да ја сменат средината поради размени. Светската кошаркарска јавност не очекува размена како онаа на Демијан Лилард, еден од најдобрите бекови во историјата, кој моментно е суперѕвезда на Портланд.
Триесет и тригодишниот Лилард е во Портланд веќе 11 години, односно целата своја професионална кариера, исто толку е негов лидер и во просек постигнува над 25 поени. Сепак, таа ера наскоро ќе заврши бидејќи побара размена од раководството.
Иако најмногу би сакал да замине во Мајами, на негова адреса пристигнуваат бројни понуди од неколку екипи и не се знае каде ќе заврши. Она што е јасно во моментов е дека тој нема да ја игра новата сезона како играч на Портланд и судејќи по неговите изјави, ниту навивачите на Голден стејт немаат причина да се надеваат на неговите услуги.
Некои медиуми шпекулираа дека тој би му се приклучил на најуспешниот тим во лигата во изминатава деценија, бидејќи „воините“ доаѓаат од неговиот роден град Оукленд. Но, играчот, кој го критикуваше Кевин Дурент во 2016 година дека отишол во Голден стејт и создал „супертим“, ѝ стави крај на таа шпекулација.
- Го почитувам она што го направија во последните осум-девет години. Оттаму потекнувам, тоа е мојот дом. Но, не можам да бидам дел од овој тим… нема смисла. Никогаш не правам нешто слично на тоа. Подобро да губам секоја година отколку да одам во Голден стејт – истакна Лилард.
