Американскиот државен секретар Мајк Помпео денеска ќе се сретне со шефот на северокорејската разузнавачка служба Ким Џонг-чол со цел да се договорат деталите за втората средба на двајцата лидери Доналд Трамп и Ким Џонг-ун, изјавија синоќа двајца неименувани високи претставници.
Можно е Ким Џонг-чол да ја посети Белата куќа и да се сретне со Трамп.
Иако се уште нема официјална потврда за средбата Помпео – Ким, шефот на северокорејската разузнавачка служба вчера од Пекинг полета за Вашингтон.
Првата средба помеѓу Трамп и Ким се одржа минатата година во Сингапур, при што беше договорена денуклеаризацијата на Корејскиот Полуостров.
