Во Албанија во петокот беа отворени два прифатни центри за мигранти кои пристигнуваат во Италија, во согласност со договорот меѓу двете земји за регулирање на илегалната миграција во Европската унија.
Во ноември 2023 година, албанскиот премиер Еди Рама и италијанскиот премиер Џорџа Мелони се договорија за испраќање илјадници бегалци и баратели на азил спасени од италијански бродови од Средоземното Море во Албанија на обработка, пренесува Јутарњи лист.
Ова е прв пример за земја која не е членка на ЕУ да прима мигранти во име на земја членка на Унијата, што ги заинтересира и другите западни земји кои се обидуваат да го обесхрабрат се поголемиот број мигранти кои пристигнуваат во западните земји од Африка, Блискиот Исток и други области.
„Од денеска се отворени два центри и се подготвени да ги примат првите мигранти“, изјави италијански функционер кој сакаше да остане анонимен во пристанишниот град Шенџин, на јадранскиот брег на Албанија.
Според договорот, илегалните мигранти кои пристигнуваат во Италија ќе бидат превезувани со брод до Шенжен. Таму ќе се утврдува нивниот идентитет и ќе се обработуваат барањата за азил.
Албанија, една од најсиромашните европски земји, исто така е кандидат за членство во ЕУ.
Во центрите можат да престојуваат до 3.000 мигранти.
Повеќе од 145.000 луѓе пристигнале на италијанските брегови во 2023 година, во споредба со околу 88.000 во истиот период во 2022 година.
Тие потоа ќе бидат префрлени во блискиот град Ѓадар, каде што ќе бидат сместени.
Со финансирање од Италија, таму ќе се носат само луѓето спасени од Медитеранот со италијански бродови, а не оние кои стапнале на италијанска почва.
