Поголемиот дел од италијанските медиуми ја пласираа и информацијата дека францускиот прволигаш Олимпик од Лион се обидува да ги осигура услугите на бразилскиот интернационалец од редовите на италијанскиот калчо гигант Милан, Лукас Пакета. Младиот играч за врска не е задоволен од минутажата која ја имаше во изминатата сезона и сака да си замине од Милано до крајот на летниот преоден рок. Од неговата продажба, челниците на Милан очекуваат заработка не помала од 30 мил. евра.
