Како што моментално стојат работите, Килијан Мбапе следната сезона нема да игра за Реал (М). Во тоа е убеден и Луис Фернадез, поранешен фудбалер и поранешен тренер на ПСЖ, кој ја откри својата визија за иднината на можеби најдобриот напаѓач на денешницата.
Прашањето за иднината на Килијан Мбапе е сè уште многу актуелно. Откако стартуваше зимскиот преоден рок, гласините за неговата иднина станаа се почести.
Сепак, Фернандез верува дека Мбапе и следната сезона ќе остане на „Паркот на принцовите“. Тој откри и зошто мисли така со неколку многу интересни детали.
“Да, тој ќе остане во ПСЖ. Кој е неговиот омилен клуб? ПСЖ! Кога ги слушам изјавите на сите, од претседателот на ПСЖ, кој презема иницијатива и зборува на оваа тема”, започна Фернадез и продолжи:
„Ги доведовме Рандал Коло Муани и Дембеле, кои се пријатели на Килијан и кои сакаше да ги има покрај себе. Мислам дека Мбапе ќе остане во ПСЖ“.
Фернедез не е кој било, тој е личност многу блиска до парискиот клуб и затоа неговите зборови навистина имаат тежина.
Многумина го гледаат Мбапе како иден член на „кралскиот клуб“, но по освојувањето на шпанскиот Суперкуп, Флорентино Перез реши да „згази на топката“.
„Мбапе? Не е време да се зборува за тоа. Навивачите уживаат во играчите што ги имаме во моментов“, изјави првиот човек на Реал (М).
Голем интерес за услугите на Мбапе покажува и англискиот премиерлигаш Ливерпул, но неговото заминување на „Енфилд“ изгледа најмалку сигурно.
За потсетување, Мбапе има клаузула за продолжување во договорот со ПСЖ за уште една сезона, а од „Паркот на принцовите“ се оптимисти и веруваат дека таа ќе се активира во најбрз можен рок.
