На крајбрежјето на Дебарското Езеро, кај местото викано Венец, биле пронајдени две неисправни минофрлачки гранати и една рачна бомба од Втората светска војна.
Стефан Димоски, портпарол на Секторот за внатрешни работи од Охрид вели дека по пронаоѓањето на експлозивните направи тие се подигнати за натамошна постапка.
Минатата недела, исто така, во близина на Дебарско Езеро биле откриени седум рачни бомби од Втората светска војна и тие се однесени за натамошна постапка.
