Италијански тим археолози откри 3.500 години стара менза со керамика во Азербејџан.
Археолозите изјавија дека е можно мензата да ја користеле номадските народи од Јужен Кавказ, пренесе АНСА.
Откриена е грнчарија и куќиште за мангал.
Откритието во Тава Тепе го направи тим археолози предводени од професорот Николо Ланери, професор по археологија и историја на уметност на древниот Блиски Исток на Универзитетот во Катанија.
Тоа откритие детално ќе биде објавено на 12 јули на фестивалот „Археофилм“ на грчкиот остров Наксос.