Унгарскиот премиер Виктор Орбан во четврток доаѓа во дводневна официјална посета на Македонија, заедно со делегација од унгарската влада. Како што информираа од македонската Влада, премиерот Христијан Мицкоски и неговиот колега Орбан ќе имаат официјална тет-а-тет средба во петок во Охрид. Дополнително, во рамки на посетата ќе се остварат и низа билатерални средби на македонските министри со ресорните колеги од унгарската делегација, а во петок ќе се одржи и заедничка меѓувладина седница, по што е најавена прес-конференција на која ќе се обратат двајцата премиери.
-На маргините на дводневната посета предвидена е прошетка во градот Охрид, посета на црквата Богородица Перивлепта, Античкиот театар и манастирскиот комплекс Свети Наум, а свежо цвеќе премиерите на двете земји ќе положат на споменикот на Свети Кирил и Методиј во Охрид, стои во владиното соопштение.
