Дополнувањето на оброците со брокула може да го намали ризикот од смртоносни здравствени проблеми, пишува Express.
Многу луѓе имаат висок крвен притисок, потенцијално фатална медицинска состојба позната и како хипертензија, што значи дека срцето мора да работи понапорно за да пумпа крв низ телото.
Ова дополнително го оптоварува срцето, како и другите органи и крвни садови и може да предизвика оштетување. Исто така, високиот крвен притисок игра важна улога во многу сериозни здравствени состојби и болести, како што се срцеви заболувања, бубрежни заболувања, мозочен удар, срцева слабост и срцев удар.
Една од главните причини за висок крвен притисок е исхраната. Треба да се избегнува храна богата со сол, а некои други всушност може да имаат спротивен ефект.
Една нова студија покажа дека редовното консумирање брокула може да помогне значително да го намали крвниот притисок, особено кај средовечните и постарите возрасни лица. Истражувачите од Универзитетот Едит Кауан во Австралија откриле дека јадењето на околу четири порции зеленчук од фамилијата зелка доведува до значително намалување на систолниот крвен притисок.
