Авионот на Ер Србија слета на аеродромот Бен Гурион во Тел Авив. Вкупно 144 српски државјани, кои од вчера се заробени на аеродромот, треба да полетаат за Белград во 22:40 часот.
М.С., навивач на Партизан од Ниш за Курир изјави дека Србите се среќни што конечно ќе се вратат во Србија.
– На сите им олесна откако пристигна авионот на Ер Србија да ги земе, едвај чекаат да полетаат и да пристигнат во Србија – изјави за Курир М.С.
Како што претходно објави Курир, голем број Срби, меѓу кои и аџии и деца, останаа заробени на аеродромот во Тел Авив бидејќи вчера им беа откажани летовите.
Синоќа имаше напад во близина на аеродромот, па некои од нив мораа да легнат на подот и да се заштитат со телата додека да помине опасноста, со оглед на тоа дека во тој момент биле пред терминалот!
Да потсетиме, во Израел продолжија масовните напади на двете страни. Израелските сили го гранатираа градот Газа и палестинската територија под контрола на Хамас, додека јужниот и централниот дел на Израел беа нападнати од Хамас.
Според последните информации, Израел објави дека загинале повеќе од 700 луѓе, додека повеќе од 2.100 луѓе се ранети.
Палестинските власти, пак, наведуваат дека загинале 370 Палестинци, а нешто повеќе од 2.200 се ранети.
Еден државјанин на Србија е полесно повреден.
