Германскиот канцелар Олаф Шолц денеска изјави дека нападите врз израелските фудбалски навивачи во Амстердам се неприфатливи и нагласи дека Евреите мора да се чувствуваат безбедно во Европа.
„Не може да се толерираат извештаи за насилство врз израелски навивачи во Амстердам. Не можеме да го прифатиме тоа.“
Пет лица се хоспитализирани, а 62 се уапсени во вчерашните напади врз навивачите на израелскиот фудбалски клуб Макаби Тел Авив во Амстердам по натпреварот со Ајакс, потврди градоначалникот на тој град, Фемке Халсема.
Нападите се случија на неколку локации во Амстердам, а полицијата неколкупати интервенираше за да ги заштити израелските навивачи, придружувајќи ги до хотелот и спречувајќи натамошно насилство.
Напаѓачите извикувале „Слободна Палестина“, пренесува Танјуг.
