Во четвртокот, Русија објави шестмесечна забрана за извоз на бензин, почнувајќи од 1 март. Руската Влада објави дека се преземени мерки за одржување на стабилноста на пазарот на гориво во земјата.
Одлуката не ги вклучува пратките направени преку меѓувладини договори, вклучувајќи ги и земјите членки на Евроазиската економска унија.
Рускиот вицепремиер, Александар Новак, изјави во средата дека Москва би можела предвреме да ја укине забраната за извоз на гориво доколку домашниот пазар е заситен.
Русија накратко воведе забрана за извоз на бензин во септември за да се бори против растот на домашните цени на горивата, укинувајќи ја по два месеца, поради што куповната моќ на Русите, веќе погодени од ослабената вредност на рубљата поради санкциите, постојано се намалуваше.
Според официјалните податоци, Русија во 2023 година произвела 43,9 милиони тони бензин.
Финансискиот прилив од продажбата на нафта и нафтени деривати е од суштинско значење за Москва во време кога нејзината економија се свртува кон воената економија за поддршка на воената офанзива во Украина.
Последната забрана за извоз беше воведена две недели пред претседателските избори.
