Центарот за управување со кризи информира дека вчера имаше 18 пожари на отворено и сите се изгаснати од пожарникарите, и дека утрово од нив активни пожари нема.
Пожарите на отворено беа во општините: Гази Баба три пожари, покрај ул.„Зендел Џемаили“ (ниска вегетација и ѓубре), кај с.Идризово (ниска вегетација) и кај с.Смилковци(ѓубриште); Аеродром во реон на Долно Лисиче(ниска вегетација); Зелениково,кај с.Смесница(ниска вегетација); Кисела Вода, покрај ул.„Малешевска“ бб (ниска вегетација);Бутел, покрај ул.„Булевар Словенија“ бб (ниска вегетација и ѓубре); Центар, покрај ул.„Лазар Личенски“ (ниска вегетација); Битола, во атар на с.Гермијан (жито); Кривогаштани, кај с.Кривогаштани (ниска вегетација); Прилеп, кај с.Беровци (ниска вегетација); Струмица, кај с.Гачерлија(депонија); Струга, во атар на с. Велешта(стрниште); Кичево, кај с.Пренка(стрниште); Кавадарци, с.Мрена(ниска вегетација, суви багреми и напуштено лозје); Неготино, покрај патен правец Неготино – Градско (ниви); и во Општина Лозово два пожара: кај с.Лозово (ниска вегетација) и кај с.Милино (ниска вегетација).
